Трент: «Моуриньо янги мавсумда “Реал”га совринлар ютишга ёрдам беради»

«Реал» жамоаси ҳимоячиси Трент Александер-Арнольд Мадрид клубининг янги бош мураббийи Жозе Моуринью қўл остидаги илк машғулотлар ҳақида фикр билдирди.

Унинг сўзларига кўра, португалиялик мутахассис билан ишлаш унга катта таассурот қолдирган.

«Моуринью билан машғулотлар жуда яхши ўтяпти. Мен доим унга ҳурмат билан қараганман. У ва унинг штаби билан бирга ишлаш – катта мамнуният. У қўллаётган иш услуби ва талаблар жуда юқори. У бизга нима ўргатишини сабрсизлик билан кутяпман. Ишончим комилки, Моуринью янги мавсумда жамоамизга совринлар ютишда ёрдам беради», – дея Трентнинг сўзларини келтиради Madrid Extra нашри.

Эслатиб ўтамиз, Жозе Моуринью учун бу «Реал»га иккинчи бор қайтиш ҳисобланади. У аввал ҳам 2010–2013 йиллар орасида мадридликларни бошқарган. Ўша даврда «қироллик клуби» Ла Лига, Испания кубоги ва Испания суперкубогида ғолиб чиққан эди.