Триппьерни яна АПЛга қайтаришмоқчи

"Атлетико" ҳимоячиси Киран Триппьер яна Англияга қайтиши мумкин. Бу ҳақда The Telegraph нашри хабар тарқатмоқда.

Юқоридаги манбага кўра, 29 ёшли футболчига "Астон Вилла"дан жиддий қизиқиш бўлмоқда. Бирмингемликлар устози Дин Смит Триппьерни жамоанинг асосий трансфер нишони сифатида баҳоламоқда. Ўз навбатида, “матрасчилар” Киранни 20 млн евро эвазига қўйиб юборишга тайёр.

Триппьер “Атлетико” сафига 2019 йил “Тоттенхэм”дан кўчиб ўтган эди. У ўтган давр мобайнида мадридликлар сафида 33 та ўйинда майдонга тушди ва 5 та голга ассистентлик қилди. Унинг клуб билан амалдаги шартномаси 2022 йилга қадар имзоланган.