TsSKA asosiy tarkibda shug‘ullanayotgan Rustambekka qanday baho berdi?

Bugungi kunda Rossiya Premer-ligasi vakili TsSKA o‘zbekistonlik futbol ishqibozlari e’tiboridagi klub sanaladi. Hamyurtlarimiz Abbosbek Fayzullaev orqali “armiyachilar”ga muxlislik qilib kelmoqda.

Yaqinda TsSKA mashg‘ulotlariga 18 yoshli futbolchimiz Rustambek Fomin qo‘shilgani haqida xabar tarqatilgan edi.

TsSKA klubi kommunikatsiyalar xizmati rahbari Kirill Breydo bu ma’lumotlarni tasdiqladi.

- Haqiqatan, Rustambek Fomin TsSKA va O‘zbekiston futbol assotsiatsiyasi o‘rtasidagi hamkorlik dasturi doirasida asosiy jamoamiz bilan birga shug‘ullanmoqda.

Rustambek katta iqtidor sohibi. U 17 yoshidayoq O‘zbekiston U-20 terma jamoasiga qabul qilingan va ayni paytda bu jamoaning sardori hisoblanadi.

TsSKA keyinchalik ham O‘zbekistonning eng iqtidorli yosh futbolchilari uchun stajirovka tagkio qiladi.

Biroq hozircha 18 yoshli Fomin bilan shartnoma tuzish masalasi ko‘tarilgani yo‘q, - deb yozdi Kirill Breylo o‘zining telegram-kanalida.

Kelishuvga ko‘ra, iste’dodli futbolchimiz 30 iyunga qadar “armiyachilar” bilan birga shug‘ullanishi rejalashtirilgan.   

Avvalroq, Rustam Fomin o‘ynaydigan “Olimpik-Mobiuz” jamoasi bosh murabbiyi Farhod Nishonov Rossiyaning “Sport  ekpress” nashriga bergan intervyusida TsSKAdagi stajirovka haqida quyidagi ma’lmotlarni keltirgan.

- Rustambek O‘zbekiston U-20 terma jamoasi o‘yinchisi. Biz uni TsSKA klubiga stajirovkaga yubordik. Agar u TsSKAga ma’qul kelsa, bu masalani klublar o‘zaro hal qiladi.

Shuni to‘g‘ri tushunish kerakki, Fomin bizda ijarada o‘ynaydi. U aslida “Paxtakor”ga tegishli futbolchi, ularning tarbiyalanuvchisi.

Fomin kuchli markaziy yarim himoyachi, maydon markazida o‘ynaydi, juda harakatchan. Xuddi Abbosbek Fayzullaev singari mehnatsevar o‘yinchi, - dedi Farhod Nishonov.

Rustambek joriy mavsumda O‘zbekiston pro-ligasida o‘nta uchrashuvda qatnashib, bitta gol urdi. Shuningdek, iqtidorli yarim himoyachi O‘zbekiston U-20 terma jamoasida ham ettita o‘yinda o‘z hisobiga bitta gol yozdirib qo‘ygan.

Shomurodov jamoasiz qolmaydi!

O‘zbek futbolchilari Evropa Chempionlar ligasida porlashi kutilyapti...

“Real”ga gol urgan Yaxshiboevni Evropa maydonlarida kutishyapti