“Реал”га гол урган Яхшибоевни Европа майдонларида кутишяпти

Етмиш йилдан бери ташкил этиб келинаётган Европа қитъасининг энг нуфузли мусобақаси – Чемпионлар лигаси (аввалги Чемпионлар кубоги) 2024-2025 йилги мавсумдан бошлаб, янгича форматда ташкил этилади.

Дастлабки учта саралаш босқичи ва плей-оффдан муваффақиятли ўтган жамоалар Чемпионлар лигасининг умумий босқичига йўлланма олади. Айнан мана шу умумий босқич аввалги форматдаги гуруҳ босқичи ўрнини эгаллади. Бу гал ушбу раунд иштирокчилари сони тўрттага кўпайтирилиб, жами 36 та жамоани ташкил қилади.

Янги мавсумда УЕФАга аъзо 55 та мамлакатдан 53 тасидан футбол жамоалари иштирок этади. Бу йил ҳам мусобақада Лихтенштейн ва Россия вакиллари йўқ.

“Кўҳна қитъа”нинг янгича форматдаги янги мавсумида икки нафар ўзбек футболчиси – “Ордабаси”да ўйнаётган  Шаҳбоз Умаров ва Жасурбек Яхшибоев  иштирок этиши кутилмоқда.

Илк бор Қозоғистон чемпионлигини қўлга киритган “Ордабаси” халқаро майдондаги тарихий юришини биринчи босқичдан бошлайди. Чимкентликлар Молдованинг “Петрокуб” жамоаси билан рақобатлашади. Қозоқ клуби 9-10 июль кунларига белгиланган дастлабки учрашувни ўз майдонида ўтказади. Жавоб баҳси бир ҳафтадан кейин рақиб мухлислари кўз ўнгида бўлади.

Европа Чемпионлар лигасида ўйнаш тажрибасига эга легионеримиз Жасурбек Яхшибоев бўлажак мусобақада жамоа олдида катта мақсад турганини маълум қилди.

- Энг катта мақсадимиз – турнирнинг умумий босқичига чиқиш. Ўша раундда ўйнагим келяпти, - деди ўзбекистонлик футболчи.

Ўз навбатида, молдоваликлар ҳам “Ордабаси” ва “Петрокуб” ўртасида бўладиган рақобатни муҳокама қилмоқда.

Хусусан, мамлакатнинг энг нуфузли манбаларидан бири moldfootball.com сайтида қуйидагича изоҳ берилди:

“Ордабаси”да марказий ярим ҳимоячи Асхат Тагиберген бор. Зарбаси ўта кучли. Имкон бўлса, ҳар қандай масофадан гол ура олади. У терма жамоада ҳам сардор.

Ўтган мавсумда 11 та гол уриб, 10 та ассист қафд этди. У ҳужумчи ёки ҳужумкор футболчи эмас. Жамоадошлари яна қанча қулай пасларидан фойдалана олмади.

Бауиржан Исламхан ҳам бор. Маҳаллий юлдузлардан, техникаси жуда кучли. Асхат ўнг ва чап томонга диагонал тарзда тўп етказиб берса, Исламхан қисқа пас ўйнашни хуш кўради.

“Ордабаси”нинг кучли томонларидан бири стандарт вазиятлардан унумли фойдаланишдир.

Қозоғистоннинг бу жамоасида ўз вақтида “Реал”га гол урган Жасурбек Яхшибоев ўйнаяпти. Бу ҳужумчи “Петрокуб”га ҳам тўп киритган.

Рақиб кучли, “Петрокуб”га улардан ўтиш жуда қийин бўлади.

Эслатиб ўтамиз, Жасурбек Яхшибоев Молдова чемпиони “Шериф” жамоаси сафида 2021 йили Европа Чемпионлар лигаси гуруҳ босқичида “Сантьяго Бернабеу” аренасида “Реал” дарвозасини ишғол қилиб, жамоасининг тарихий ғалабасини таъминлаган эди.

Яхшибоев Мадридда "Реал"га гол урган ягона ўзбек футболчиси ҳисобланади. Жасургача Максим Шацких 2006 йилги Чемпионлар лигаси Киевда "Динамо" ўйинчиси сифатида "Қироллик клуби" дарвозасини икки бор нишонга олган. 

Ҳусановнинг жамоадоши Мбаппенинг бурнини синдирганидан кейин нималар деди?

Ўзбек футболчилари Европа Чемпионлар лигасида порлаши кутиляпти...

Тезкор: Таниқли легионеримиз жамоасини тарк этди!

Легионеримиз туркларни қандай ҳайратга солди?

Шомуродовни олиш осон бўлмаяпти...