ЦСКА ўзбек жамоаси билан қачон ўйнашини эълон қилди

Москванинг ЦСКА клуби қишки ўқув-машғулотларини асосан Туркияда ўтказадиган бўлди.

Клубнинг расмий сайтида Владимир Федотов шогирдлари қайси жамоалар билан ўртоқлик учрашувларида майдонга тушиши ҳақида маълумот тарқатилди.

Унга кўра, ЦСКА йиғин давомида “Торпедо”, “Андижон”, “Сочи”, “Родина”, “Химки”, “Динамо Москва” билан синов-назорат учрашувини ташкил қилади.

“Андижон” ўртоқлик баҳси ўтказиладиган ягона хорижий клуб  ҳисобланади. Бу беллашув 1 февралга белгиланган.

ЦСКАдаги легионеримиз Аббосбек Файзуллаев Ўзбекистон миллий терма жамоаси сафида Қатарда бўладиган Осиё чемпионатида қатнашиши сабабли клуб йиғинларининг катта қисмини ўтказиб юборади.