Турғунбоев Туркия чемпионатига йўл олди

Осиё кубогидан кейин легионерларимиз сони кўпайишда давом этади. Навбат собиқ "Пахтакор" футболчиси Азизбек Турғунбоевга. Туркиянинг "Сиваспор" клуби уни ўз таркибига қўшиб олишга жуда яқин турибди. 

Sports.uz сайтига маълум бўлишича, вингер сивасликлар билан 1,5 йиллик шартнома имзолайди. Трансфер эса кейинги 24 соат ичида эълон қилиниши кутилмоқда. Футболчи аллақачон Туркияга жўнаб кетган. 

Аввалроқ Турғунбоевни Ўзбекистоннинг бир нечта жамоалари ўз таркибига қўшиб олишга ҳаракат қилгани борасида миш-мишлар тарқалганди. У якунига етагн мавсум "шерлар" таркибида 35 та ўйинда майдонга тушиб, 11 та голда иштирок этган. 

29 ёшли футболчи Қатарда бўлиб ўтаётган Осиё кубогида ҳам ўзини кўрсата олди. Дастлаб, у Австралияга қарши ўйинда ҳисобни тенглаштирган бўлса, нимчорак финалда Таиланд дарвозасини ишғол қилганди. Шу билан бирга, Турғунбоев Австралияга гол урган илк ўзбекистонлик футболчига ҳам айланди.