Туркия чемпионати тўпурарларидан бири Ла Лига клубига ўтиши мумкин

"Галатасарой" ҳужумчиси Мауро Икарди фаолиятини Ла Лигада давом эттириши мумкин.

Инсайдер Радио Митре маълум қилишича, форвардни айни вақтда Испаниянинг икки клуби ўз сафига қўшиб олмоқчи. Икардининг хизматларидан "Эльче" ва "Реал Овьедо" жамоалари фойдаланишни истаяпти. Мауронинг Туркия клуби билан амалдаги шартномаси 2026 йилнинг ёзида якунига етади. 

Аргентиналик футболчининг ҳозирда "Трансфермаркт" порталидаги нархи 6 миллион еврога баҳоланмоқда. 

Маълумот учун, 32 ёшли ҳужумчи жорий мавсум истанбулликлар сафида 22 та учрашувда майдонда ҳаракат қилди ва 8 та гол киритишга эришди.