Туркия Суперлигаси. "Карагюмрюк" Истанбулда дуранг ўйнади. Отабек Шукуров эса...

18 сентябрь куни Истанбулда Туркия Суперлигасининг 7-туридан ўрин олган учрашув бўлиб ўтди: Истанбулнинг “Башакшехир” клуби ўз майдонида “Фотиҳ Карагюмрюк”ни қабул қилди. Учрашув нурсиз дуранг билан якунланди - 0:0.

“Карагюмрюк”нинг ўзбекистонлик ярим ҳимоячиси Отабек Шукуров ўйиннинг асосий таркибида майдонга тушиб, ҳакам томонидан қўшиб берилган дақиқада қизил карточка олди. Легионеримиз ўйиннинг 67-дақиқасида дастлабки сариқ карточкасини олган бўлса, 90+3-дақиқада иккинчи бор огоҳлантирилди

Шу тариқа, “Башакшехир” 14 очко билан турнир жадвалида учинчи ўринда бормоқда. Андреа Пирло бош мураббийлигидаги "Карагюмрюк" ҳисобида 6 очко бор ва улар айни пайтда 13-ўринни эгаллаб турибди.

Туркия Суперлигаси, 7-тур

"Истанбул Башакшехир" - "Карагюмрюк" 0:0