Туркия Суперлигаси. "Ризеспор" охирги дақиқада урилган гол эвазига ғалаба қозонди, Алиқулов тўлиқ ўйин ўтказди
Туркия Суперлигаси 14-туридан ўрин олган "Ризеспор" - "Истанбул Башакшеҳир" ўйини якунланди. Унда мезбонлар 3:2 ҳисобида ғалаба қозонди.
Аҳамиятлиси, майдон эгаларининг сўнгги учинчи голи 90+2-дақиқада киритилди. Унга Иброҳим Олавойин муаллифлик қилди.
"Ризеспор" сафида ҳамюртимиз Ҳусниддин Алиқулов асосий таркибда майдонга тушди. У ўйинни тўлиқ ўтказди ва жамоасининг ғалабасига муҳим ҳисса қўшди.
Эслатиб ўтамиз, айни пайтда Алиқулов жамоаси 21 очко билан 6-поғонани банд этиб турибди.
Фикрлар