Туркия Суперлигаси. Шомуродов гол урган учрашувда ҳам "Истанбул Башакшеҳир" мағлубиятга учради

Туркия Суперлигасининг 12-турида "Истанбул Башакшеҳир" сафарда "Генчлербирлиги" билан куч синашди ва 2:1 ҳисобида имкониятни бой берди. 
 
Дастлаб тўқнашувнинг 35-дақиқасида Келвен ҳисобни очди. Иккинчи бўлимнинг 1-дақиқасидаёқ терма жамоамиз сардори ҳисобланган Элдор Шомуродов ҳисобни тенглаштиришга муваффақ бўлди. Орадан 7 дақиқа ўтиб, Мбай Ньянг 11 метрлик жарима зарбасидан унумли фойдаланган ҳолда, яна жамоасини олдинга олиб чиқди (2:1). 
 
Маълумот ўрнида, "Башакшеҳир" 12 та учрашувдан сўнг 13 очко тўплаган ҳолда, 10-ўринни банд қилиб турибди. Навбатдаги учрашув эса 24 ноябрь куни "Трабзонспор"га қарши.

Эслатиб ўтамиз, Шомуродов бугунги тўқнашувдаги голи орқали тўпурарлар жадвалидаги пешқадамликни мустаҳкамлаб олди (8 та гол).