Туркиянинг гранд клуби маошлар билан боғлиқ муаммоларга дуч келмоқда

Туркия Суперлигасининг 23-турида "Галатасарай" "Коньяспор"га қарши учрашувда 0:2 ҳисобида мағлуб бўлди. Ушбу натижадан сўнг клуб ичидаги муаммолар ҳақида маълумотлар пайдо бўлди.

TR24 нашри хабар беришича, "Галатасарай" футболчилари кетма-кет уч ойдан бери маош олмаяпти. Манбага кўра, клуб раҳбарияти ушбу ҳолат бўйича ҳозирча расмий изоҳ бермаган, бу эса оммавий ахборот воситалари ва мухлислар орасида турли миш-мишларни кучайтирмоқда.

Маҳаллий журналист Халик Юрекли фикрича, сўнгги воқеалар фонида жамоанинг жорий мавсумда чемпионликка эришиши жуда шубҳали кўриниб қолмоқда.

Айни пайтда Окан Бурук шогирдлари чемпионат турнир жадвалида 55 очко билан пешқадам бўлиб турибди. Бироқ иккинчи ўринда кетаётган "Фенербаҳче"нинг 52 очкоси ва захирада битта ўйини бор, бу эса чемпионлик учун курашни янада кескинлаштирмоқдa.