"Турон" бугун "Локомотив" билан ўртоқлик ўйини ўтказади

Анвар Бердиев бош мураббийлигидаги "Турон" жамоаси Тожикистон давлатида ёзги ўқув-йиғин машғулотларини олиб борди. Яйпанликларнинг хориж йиғини 15 июль санасида якунига етди.

Энди жамоа иккинчи даврага тайёргарликни Тошкент шаҳрида давом эттиради. Пойтахтдаги йиғин давомида бир нечта назорат учрашувларини ҳам ўтказиш режалаштирилган. Хусусан, бугун Тошкентнинг "Локомотив" клуби билан ўртоқлик учрашуви ташкил этилади. Ўйин 18:00да "Локомотив" стадионида бўлиб ўтади.