"Турон" сардори энди "Нефтчи"да ўйнайди!

"Нефтчи" жамоаси янги мавсум учун таркибни кучайтиришда давом этади. Бугун тажрибали футболчи Хуршид Мухторов  "Нефтчи" клуби билан шартнома имзолади ва янги мавсумда жамоанинг ҳимоя қўрғонида харакат қиладиган бўлди.

Маълумот учун, Хуршид Мухторов ўтган мавсумни Суперлига вакили - Яйпаннинг “Турон” жамоасида ўтказди. Футболчи  мавсум давомида  жами 21 учрашувда 1764 дақиқа  ҳаракат қилиб, 4 та гол урди ва 1 голга ассистентлик қилди.

Мухторов фаолияти давомида "Локомотив","Навбахор",ОКМК,"Насаф", "Сўғдиёна", "Қўқон-1912" ва "Турон" жамоалари таркибидаги ўйинлари орқали мухлисларга таниш бўлиб улгирган.

Хуршид Мухторов жамоа билан шартнома иизолагач: "Нефтчи" жамоасини қандай клублигини яхши биламан,  фарғоналик мухлисларни жуда талабчан, уларни янги мавсумда жуда ҳам ажойиб футбол байрами кутиб турибди,  ўйлайманки, янги мавсумда жамоамиз билан мухлисларни хурсанд қила оламиз! Олға "Нефтчи"! деб ўз фикрларини билдириб ўтди!

"Нефтчи" матбуот хизмати.