U-17 турнирида қўлланилаётган “Video Support Review”, яъни челленж сўраш карточкасининг қоидаси қандай ишлайди?

Ҳар бир жамоа учун бир тайм давомида битта. Агар челленждан сўнг қарор ўзгартирилса, яъни мураббий ҳақ бўлиб чиқса, +1 челленж берилади. Бу давом этаверади. 

Бироқ челленж берилганидан сўнг қарор ўз кучида қолса, шу билан тайм учун лимит тугайди. Жараённинг давом этиши сиз қанчалик ўринли вазиятда челленжга мурожаат қилганингизга боғлиқ.

ВАР йўқми? Челленж лимити тугаб қолганидан сўнг бош ҳакам яққол хато қилса, уни тузатиб бўлмайдими? 

Аслида, ВАР ростан ҳам йўқ. Яъни бунда алоҳида бир бригада, махсус хонада ўтирмайди. Шунчаки, 4-ҳакам монитор орқали баҳсли вазиятларни кузатиб боради ва ҳакамни ВАР’ни кўришга чақиради. Бунда сифат барибир ҳақиқий ВАР даражасида эмас.