У Месси ва Роналду билан бир қаторда

Италия терма жамоаси бош мураббийи Роберто Манчини "Милан" ҳужумчиси Златан Ибрагимович ҳақида илиқ фикрларни билдириб ўтди.

"Златан футбол тарихидан феноменал футболчи сифатида жой олади. Мен уни Месси ва Роналду билан бир савияда, деб ҳисоблайман. У қаерда тўп сурса ҳам кўп гол уриб, унвонларни юта олган", - дейди Манчини.

Эслатиб ўтамиз, кузда 39 ёшни қаршилайдиган швециялик ҳужумчи "Милан" сафига қишда келиб қўшилди ва ортда қолган турлар мобайнида 8 та ўйинда майдонга тушиб, учта гол киритди.