У Роналду билан ўйнаш имконияти ва катта маошли таклифни рад этади. Чунки...

Кот-д’Ивуар терма жамоаси ҳамда “Кристал Пэлас” клуби ҳужумчиси Вильфрид Заанинг “Ан-Наср”га ўтиши даргумон.

Криштиану Роналду тўп сураётган Саудия клуби 30 ёшли футболчига ҳафтасига салкам 600 минг фунт маош оладиган 2 йиллик шартнома таклиф қилди. Таққослаш учун унинг ҳозирги клуби "Кристал Пэлас" эса унга уч баравар кам - ҳафтасига 200 минг маош таклиф қилмоқда. Бироқ, катта эҳтимол билан Заа ушбу таклифни рад этади.

The Guardian хабарига кўра, футболчи Европада қолишни афзал кўради. У ерда Заага Франциянинг икки гранди – ПСЖ ва “Марсель” даъвогарлик қилмоқда.

Эслатиб ўтамиз, шу ой охирида Заанинг Лондон клуби билан амалдаги шартномаси якунига етади ва у эркин агентга айланади.

Футболчи ўтган мавсум Премьер-лиганинг 27 та ўйинида  7та гол ва 2 та голга ассистентлик қилди.