УЕФА "Аякс" мухлисларининг Лондонга боришларини таъқиқлади

“Аякс” клуби мухлисларига Чемпионлар лигаси гуруҳ босқич 4-туридан ўрин олган “Челси”га қарши Лондонда бўлиб ўтадиган ўйинга бориш таъқиқланди. Бу ҳақда УЕФА расмий сайти хабар бермоқда.

Амстердамлик мухлислар ЕЧЛ гуруҳ босқич дастлабки турида “Валенсия”га (3:0) қарши баҳсда амалга оширган хатти-ҳаракатлари сабаб УЕФА шундай қарорга келган. Бундан ташқари “Аякс” клуби 50 минг евро жаримага тортилди.

Шунингдек “Аякс” Испаниядаги ўйинда футболчилари намойиш этган қўпол ўйинлари учун 18 минг евро жарима тўлайдиган бўлди. Таъкидлаш керакки, шу куни нақд 6 нафар “Аякс” футболчиси ҳакам томонидан огоҳлантирилган эди.

Эслатиб ўтамиз, «Челси» - «Аякс» учрашуви 5 ноябрь куни Лондондаги “Стэмфорд Бриж” стадионида бўлиб ўтади.