УЕФА еврокубокларда сариқ карточкалар қоидасини ўзгартирди

Европа футбол ассоциациялари иттифоқи (УЕФА) эркаклар клуб мусобақаларида интизом қоидалари ўзгарганини маълум қилди.

УЕФА тарқатган расмий хатга кўра, Чемпионлар Лигаси, Европа Лигаси ва Конференциялар Лигасининг умумий босқичидан бошлаб футболчилар ҳамда жамоалар расмий шахслари учинчи эмас, тўртинчи сариқ карточкадан сўнг автоматик равишда навбатдаги ўйинни ўтказиб юборишади. 

Шундан кейин дисквалификация ҳар икки сариқ карточкадан кейин қўлланилади: олтинчи, саккизинчи, ўнинчи ва шу тарзда давом этади.

Умумий босқич бошлангунига қадар эса амалдаги тартиб сақланади: учинчи огоҳлантиришдан кейин майдондан четлатиш, сўнгра бешинчи, еттинчи ва кейинги тўқ сариқ карточкалардан кейин дисквалификация берилади.

УЕФА вакилларининг таъкидлашича, бундай ўзгаришлар еврокубокларнинг янги формати билан боғлиқ — унга кўра умумий босқичдаги ўйинлар сони оширилган. Янгиланган қоидалар дарҳол кучга киради ва 2026/27 йилги мавсумданоқ қўллана бошлайди.