УЕФА раҳбари ФИФАнинг можароли қарори ортидан мундиал финалини бойкот қилди

Испания ва Аргентина терма жамоалари ўртасидаги жаҳон чемпионати финалида УЕФА президенти Александер Чеферин трибунада кўринмади.

The Times нашри ёзишича, Чефериннинг финалга бормаслик қарори ФИФА атрофида юзага келган можаро билан боғлиқ. 

Гап шундаки, халқаро федерация АҚШ терма жамоаси ҳужумчиси Фоларин Балогунга берилган дисквалификацияни кутилмаганда тўхтатиб туришга қарор қилган эди. Қизил карточка олган футболчи регламентдаги махсус банддан фойдаланилгани сабабли кейинги ўйинда майдонга тушиш имкониятига эга бўлди. Ушбу бандга кўра, дисквалификация синов муддати билан кейинроққа сурилиши мумкин.

УЕФА бу қарорни очиқ танқид қилган ва расмий баёнот орқали ФИФАнинг Балогун бўйича қароридан норозилик билдирган эди. Шу орқали икки ташкилот ўртасидаги муносабатлар кескин совиб, амалда узилиб қолгани таъкидланмоқда.