UEFA ва CONMEBOL ҳамкорликда янги мусобақа ташкил этади. Илк иштирокчилар ҳам маълум!

UEFA ва CONMEBOL ташкилотлари ҳамкорликда янги мусобақа ташкил этилишини эълон қилди.

Унга кўра, ўтган мавсум Европа лигасида зафар қучган "Севилья" ва Жанубий Американинг иккинчи нуфузли мусобақаси "Copa Sudamericana"да ғолиб бўлган "Индепендьенте дель Валье" жамоалари иштирокида суперкубок ўйини ўтказилади. 

Баҳс 19 июль куни Севилья шаҳридаги "Рамон Санчес Писхуан" ўйингоҳида бўлиб ўтади. Беллашув старти маҳаллий вақт 22:00 га белгиланган. 

Агар баҳс асосий вақтида ғолиб аниқланмаса, қўшимча вақтларга мурожаат этилмайди. Жамоалар тўғридан-тўғри пенальтилар сериясида масалани ҳал қилишади. 

Ушбу мусобақа 2007 йилда 22 ёшида юрак хуружидан вафот этган "Севилья"нинг собиқ футболчиси шарафига "Антонио Пуерта ХII" деб номланади.