УЕФА Ямал ва Левандовскини жазолади

Европа футбол ассоциациялари иттифоқи (УЕФА) "Барселона" ҳужумчилари Ламин Ямал ва Роберт Левандовскини Чемпионлар Лигаси ярим финалидан ўрин олган "Интер"га қарши жавоб ўйинидан сўнг (4:3) антидопинг қоидаларини бузгани учун 5 минг евро миқдорида жаримага тортди. Бу ҳақда Marca хабар бермоқда.

Манбага кўра, иккала футболчи ҳам антидопинг назорати талабларини бажармаган ва кўрсатилган ўйиндан сўнг дарҳол назорат пунктига келиш илтимосини эътиборсиз қолдирган.

Ўтган Чемпионлар лигасида Ямал 13 та ўйинда 5 та гол урди ва 3 та голли узатмани амалга оширди. Левандовски эса турнирда 13 та учрашувда 11 та гол урган.