"Уфа" футболчиси АПЛ клубига йўл олиши мумкин

"Уфа" футболчиси Ҳамид Агаларов фаолиятини Англия Премьер-лигасида давом эттириши мумкин.

"Sport24" нашри тарқатган хабарга кўра, унга "Ньюкасл"дан қизиқиш бор. Инглиз клуби ҳали расмий таклиф билан чиққани йўқ, аммо уни синчковлик билан кузатмоқда.

Агаларов жорий мавсум бошқирдистонликлар таркибида 28 учрашувда майдонга тушиб, ўз ҳисобига 18 гол ва 1 ассистни ёздириб қўйишга муваффақ бўлди. 21 ёшли ҳужумчи РПЛ тўпурари ҳисобланади.

Унинг трансфер нархи 4 миллион еврога баҳоланмоқда.