UFC 303 турнирининг асосий жангги ҳақида шов-шувли миш-мишлар тарқалмоқда

70 килограммгача бўлган вазн тоифасида UFC чемпиони унвонига собиқ давогар америкалик Майкл Чендлер UFC 303 турнирида қатнаша олмаслиги ва Конор Макгрегорга янги рақиб қидирилаётгани ҳақида яна миш-мишлар авж олди. Бу ҳақда таниқли журналист ва UFC инсайдери Ариэль Хельвани хабар берди.

“Ўтган ҳафтанинг охирида UFC 303 асосий мусобақаси билан боғлиқ хавотир пасайгандай бўлди. Чендлер ўзининг яхши эканини айтиб интервью берди ва UFC жангни ABC Fight Night да яна тарғиб қила бошлади. Бугун эрталаб эса бир нечта манбалар 29 июндаги жангни ўзгартириш бўйича яна ишлар бошлангани ҳақида хабар беришди.

Мухтасар қилиб айтганда, UFC 303 асосий мусобақаси мақомига нисбатан пессимизм янгиланганга ўхшайди.

Бу қайта суғуртами? Ҳуқуқий масалалар? Фавқулодда алмаштириш режими? Кўрамиз”, — деб ёзди Хельвани Х (собиқ Тwиттер) ижтимоий тармоғидаги саҳифасида.

Конор МакГрегор ва Майкл Чендлер ўртасидаги жанг 29 июнь куни Лас-Вегасда бўлиб ўтадиган UFC 303 мусобақасида бўлиб ўтиши режалаштирилган.

3 июнь куни лига раҳбарияти Дублинда Конор Макгрегор ва Майкл Чендлер иштирок этиши керак бўлган матбуот анжуманини бекор қилди, бу эса жангнинг бузилиши мумкинлиги ҳақидаги миш-мишларга сабаб бўлди.