"UFC 332" атрофида катта жанжал: "Бундай жанг титул учун бўлмаслиги керак"

Дунёнинг энг кучли лигаси "UFC 332" турнири учун титул жангини ташкил эта олмаганидан сўнг, Валентина Шевченкони супер енгил вазн тоифасидаги чемпионлик камаридан маҳрум қилиб, вакант унвон учун бразилиялик Наталья Силва ва хитойлик Ван Конг беллашишини тасдиқлади.

Бироқ ушбу вазиятни UFC собиқ жангчиси Брендан Шауб кескин танқид қилди.

"Силва ва Ван тўқнашуви шунчаки ҳалокат. Ҳеч қандай бемаънилик ва муболағасиз, бу UFC тарихидаги энг ёмон марказий жангдир. Балки UFC тарихидаги эмас, MMA тарихидаги энг ёмонидир. Конг умуман унвон учун курашмаслиги керак. Бунга анча лойиқ бўлган бошқа бир нечта қизлар бор, аммо UFC том маънода шундай демоқда: "Мухлислар барибир ҳеч нарса қилмайди. Нима беришса еяверади!" – деди америкалик.

Эслатиб ўтамиз, "UFC 332" турнири 4 октябрь куни Солт-Лейк-Ситида бўлиб ўтади ва унинг иккинчи марказий жангида Дейвесон Фигередо ва Пейтон Талботт ўзаро кураш олиб боради.