UFC чемпиони: "Ҳар бир ММА жангчиси Конор МакГрегорга миннатдорчилик билдириши керак"

Ўрта вазн тоифасида амалдаги UFC чемпиони жанубий африкалик Дрикус Дю Плесси(21-2) машҳур ирландиялик жангчи Конор МакГрегор(22-6)нинг ММА га қўшган ҳиссасини ҳурмат билан тилга олди.

“Конор тегинадиган ҳамма нарса олтинга айланади. У ушбу спортнинг ҳақиқий афсонаси. У ММА ни оммавийлаштиришга муваффақ бўлди. Сиз бу йигитни ёқтирмасангиз ҳам, унинг бу спорт учун қилган ишларини танқид қила олмайсиз. Менимча, ҳар бир ММА жангчиси Конорга мазкур спорт туридаги маошлари, қолаверса, машҳурлигини оширгани учун миннатдорчилик билдириши керак", — деб Дю Плессининг сўзларини келтиради BJ  Penn портали.