UFC жангчиси тиззасида стафилококк инфекцияси аниқлангани боис октагонга чиқмайдиган бўлди
Америкалик спортчи шу туфайли шифохонага ҳам ётқизилган
UFC жангчиси Шон Брэди тиззасида стафилококк инфекцияси аниқлангани сабаб навбатдаги жанги бекор қилинганини хабар берди. Америкалик спортчи шу туфайли шифохонага ётқизилганини ҳам айтди.
"Ҳозирга келиб, кўпчилигингиз кейинги жангим бекор қилингани ҳақидаги хабарни кўрган бўлсангиз керак. Тиззамда стафилококк инфекцияси пайдо бўлди ва шу сабабли шифохонага тушиб қолдим. Бу мен учун жуда оғир зарба бўлди. Бу йиғинда қўлимдан келган барча ишни бажардим, тинмай меҳнат қилдим ва тайёргарлик учун катта қурбонликларга бордим.
Габриэль Бонфим, UFC ҳамда ушбу баҳсни кутган барча мухлислардан узр сўрайман. Бу ҳолатдан мендан кўра кўпроқ хафа бўлган одам йўқ. Умид қиламанки, мазкур тўқнашувни имкони борича тезроқ бошқа санага кўчиришади. Ҳозир эса бутун эътиборимни соғайиш, тикланиш ва севимли ишимга қайтишга қаратганман. Менга ёзган ва қўллаб-қувватлаган барчага раҳмат. Бу мен учун жуда катта аҳамиятга эга", — деди Брэди.
Изоҳлар (0)