UFC президенти қайси жангчи тезроқ нафақага чиқишини истайди?

UFC президенти Дана Уайт промоушеннинг америкалик жангчиси, енгил вазн тоифасида лиганинг собиқ чемпиони Тони Фергюсон ҳақида гапирди.

“Ҳа, умид қиламанки, у нафақага чиқади. Қанийди, у шундай қилса", — дея Уайтнинг сўзларидан иқтибос келтирган MMAJunkie нашри.

Эслатиб ўтамиз, 3 август куни Абу-Даби (БАА) шаҳрида бўлиб ўтадиган UFC Fight Night турнирида Фергюсон ҳамюрти Майкл Кьезага қарши жанг ўтказиши режалаштирилган.

Ўтган йилнинг декабрь ойида бўлиб ўтган сўнгги жангида Тони Британия вакили Пэдди Пимблетт билан тўқнаш келган эди. Ушбу қарама-қаршилик Пимблеттнинг ишончли ғалабаси билан якунланди. Фергюсон учун бу мағлубият кетма-кет еттинчи мағлубият бўлди. Умуман олганда, Фергюсон фаолияти давомида 25 ғалаба ва 10 мағлубият қайд этган.