UFC президенти қайси жангчиларни ёқтиришини айтди

UFC президенти Дана Уайт аралаш яккакураш бўйича барча даврлардаги энг севимли жангчилари ҳақидаги саволга жавоб берди. Уайтнинг таъкидлашича, гап энг кучли жангчилар ҳақида эмас, балки энг севимлилари ҳақида кетмоқда.

“Бу, албатта, Чак Лидделл ва Ронда Роузи. Ронда мен билан бирга ишлаган энг буюк спортчи. Конор Макгрегор билан ҳам яхши ишладик. Рондага келсак, у ҳақида ҳамма нарса менга ёқади. У ҳеч қачон “йўқ” демайди ва дивизиондаги барча бошқа аёл жангчилар унга ўхшашга ҳаракат қилишади”, - деди Уайт Shaq YouTube каналидаги The Big Podcast дастурида.

Аввалроқ Дана Уайт бразилиялик Алекс Перейра ва америкалик Жон Жонс ўртасида жанг ташкил қилиш эҳтимоли ҳақидаги саволга жавоб берган эди.