UFC промоушенидаги ўзбекистонлик жангчилар сони яна биттага кўпайиши мумкин

Ўзбекистон ММА оламининг ёрқин вакилларидан бири, FFC (Falco Fighting Championship) промоушени чемпиони Азамат Нуфтиллаев янги промоушен билан шартнома имзолаш арафасида. Қувонарлиси, оғир вазн тоифасида ўз жангларини ўтказадиган "Аждар" номи билан машҳур ушбу юртдошимизга жаҳоннинг энг нуфузли UFC промоушени шартнома таклиф қилган. 

Бу борада жангчимиз билан боғланганимизда, бу реал воқелик эканлигини, таклиф этилгани ва виза масаласида иш олиб бораётганлигини маълум қилди. Агар, визага оид масалалар ўз ечимини топса, тез орада UFCдаги вакилларимиз сони яна биттага ошиб, тўрт нафарга етиши мумкин. 

Маълумот учун, Азамат Нуфтиллаев профессионал фаолияти мобайнида 7 та жанг ўтказиб, барчасида ғалаба қозонган. Сўнги бор жорий йилнинг 9 февраль куни "EFC 33" турнирида октагонга кўтарилди ва россиялик Геннадий Гусевни муддатидан аввал техник нокаут билан мағлуб этганди. 

азамат нуфтиллаев

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар