Угарте "Манчестер Юнайтед"ни тарк этиши мумкин: бир нечта клублар қизиқиш билдирмоқда

"Манчестер Юнайтед" ярим ҳимоячиси Мануэль Угарте ёзги трансфер ойнасида клубни тарк этиши мумкин.

25 ёшли уругвайлик футболчи ҳозирда асосий таркибдан кам жой олаётгани сабабли жамоани ўзгартириш эҳтимоли юқори деб баҳоланмоқда.

Журналист Экрем Конур маълумотига кўра, Угартега бир нечта йирик клублар қизиқиш билдирмоқда. Улар қаторида Италиянинг "Ювентус" ва "Милан", Испаниянинг "Атлетико", Англиядан "Ньюкасл" ҳамда Туркиянинг "Галатасарай" клублари бор.

Футболчининг Transfermarkt порталидаги баҳоси 30 миллион еврони ташкил қилади. У 2024 йил ёзида ПСЖдан 50 миллион евро эвазига "Манчестер Юнайтед" сафига ўтган эди.