Уильямс билан келиша олмаётган "Барса", "Ливерпуль" юлдузига қизиқмоқда

"Барселона" ҳали ҳам Нико Уильямс билан боғлиқ муаммолар фонида "Ливерпуль" футболчиси Луис Диасни сотиб олиш вариантини кўриб чиқмоқда.

Аввалроқ, клуб ва "Атлетик" вингери Уилямснинг агенти ўртасидаги музокаралар сўнгги кунларда боши берк кўчага кириб қолгани ҳақида хабар берилганди. Футболчи шартномада Ла Лигага рўйхатдан ўтиш учун кафолат талаб қилмоқда, каталонияликлар эса, унинг шартидан норози.

Mundo Deportivo хабарига кўра, ҳозирги вазиятда "Барса" ҳамон клуб спорт директори Декунинг биринчи танлови бўлган Луис Диасга қизиқиш билдирмоқда. "Ливерпуль" вингери Никодан каттароқ, аммо у универсалроқ, чунки Диас "тўққизлик" позициясида ўйнай олади. Бундан ташқари, Луис муҳим ўйинлардада катта тажрибага эга.

Муаммо шундаки, "Ливерпуль" "блауграна" билан музокарага киришишни истамади ва колумбиялик футболчининг агенти клубга етарлича босим ўтказа олмаган.