Улар ҳозир қаерда? Чемпионлар Лигасида ўйнаган “Малага”нинг “олтин авлод”и

XXI асрнинг 2-декадасида Испанияда яна бир гигант клуб пайдо бўлди. Ҳа, у “Барселона” ва “Реал”га рақобат уюштира олмасди. Аммо “Атлетико”, “Валенсия”, “Севилья” ва “Вильярреал” каби клубларга қарши бу қадар ишонч билан туриб бера олишнинг ўзи бўлмасди. Тушундингиз! Океанорти мамлакатларида бой эгалари бўлган “Малага” қисқа муддатда жуда катта натижаларга эришишга муваффақ бўлди. Бугун биз “Манчестер Сити” ва ПСЖни футболга сунъий ресурслар билан кириб келган “бойваччалар” сифатида кўрамиз. Аммо улар сармояни жуда ақлли йўлда ишлата олганини эътироф этиш лозим. Бу даврда “Малага”, “Анжи” каби пулларини ҳавога совуришдан тап тортмайдиган бой клублар ҳам пайдо бўлдики, улар қанчалик тез порлаган бўлса, шунчалик тез сўнди.
2012/2013 йилги мавсумда УЕФА Чемпионлар Лигасида қатнашган жамоанинг бугун Сегундада аранг жон сақлаб қолаётгани ҳайратланарли. Келинг, ўша таркиб футболчиларини ёдга оламиз.

Вилли Кабальеро (дарвозабон)
Клуб сафида: 133 та ўйин
Ҳозирда: “Челси”

“Малага” Вилли Кабальерони Сегунда клуби “Эльче”дан олиб келади ва тез орада асосий дарвозабонга айлантиради. Унинг клуб таркибидаги фаолиятини омадли чиққан, деб айтишга бизда етарлича асослар мавжуд. Балки, шунинг учун ҳам Мануэль Пеллегрини “Манчестер Сити” мураббийлигини қўлга олар экан, аргентиналик посбонни ўзи билан олиб кетади. Пеллегрини кетгач, у ҳам “шаҳарликлар” сафида узоқ қолмади. 2017 йилда у “Челси” сафига кўчиб ўтди.

image_1

Карлос Камени (дарвозабон)
Клуб сафида: 121 та ўйин
Ҳозирда: Клубсиз

Африка футболи тарихидаги энг номдор дарвозабонлардан бири. Камерунлик посбон Вилли Кабальеронинг ўринбосари сифатида 2012 йилда жамоага олиб келинганди. Асосий дарвозабонга айлангунча бўлган йўлни сабот билан босиб ўтган Камени клуб мухлислари қалбидан ўз жойини топишга муваффақ бўлди.
Ла Росаледада 5 йил фаолият олиб боргач, “Фенербахче”да бир муддат ўйнади. Ҳозирда, у эркин агент мақомида.

photo_1358376755447-1-0

Хесус Гамес (ҳимоячи)
Клуб сафида: 257 та ўйин
Ҳозирда: Клубсиз

Клуб тарбияланувчиси ҳисобланган Гамес ўша тарихий мавсумда жамоада сардорлик қиларди. 2005 йилда айнан “медузалар” сафида дебют қилган ҳимоячи 9 йил давомида мазмунли футбол намойиш этиб келди.
2014 йилда Ла Лиганинг ўша пайтдаги чемпиони “Атлетико” футболчини ўз сафига чорлади ва Гамес “матрасчилар” билан ЕЧЛ кумуш медалини қўлга киритганди. Келгуси мавсум уни “Ньюкасл” сотиб олди ва 2 йиллик фаолиятидан сўнг, Хесус клубсиз қолиб кетди.

62954

Мартин Демичелис (ҳимоячи)
Клуб сафида: 113 та ўйин
Ҳозирда: Фаолиятини якунлаган

“Бавария”даги 7 йиллик самарали фаолиятидан сўнг, Демичелис 2011 йилда Испанияга ташриф буюрди. “Малага”да у 2,5 йил тўп тепди. Кабальеро каби у ҳам Пеллегрини ортидан “Манчестер Сити”га йўл олади. 2016/2017 йилги мавсумда эса, аргентиналик ҳимоячи собиқ клубига қайтиб, айнан шу ерда фаолиятини якунлади.

hbtya3o1xbb90nvz6mic

Велигтон (ҳимоячи)
Клуб сафида: 286 та ўйин
Ҳозирда: Фаолиятини якунлаган

Велигтон андалусияликлар сафига 2007 йилда келиб қўшилган ва у жамоанинг Ла Лигадаги дебюти муваффақиятли чиқишида ёрдам берган. 10 йил давомида бразилиялик футболчи “Малага” шарафини мардонавор қўриқлади ва Чемпионлар Лигасига йўлланма олинишида муҳим ролни ўйнади.
2017 йилнинг ёзида Велигтон 37 ёшида бутсаларини “михга илиши”ни маълум қилди. У мухлислар юрагида афсоналигича қолади.

i_1

Серхио Санчес (ҳимоячи)
Клуб сафида: 96 та ўйин
Ҳозирда: Эркин агент

“Эспаньол” тарбияланувчиси ҳисобланувчи Санчес “Малага”га 2011 йилда “Севилья”дан ўтади. 4 йиллик фаолияти давомида у клубда нималарнидир исботлашга урунади. Бироқ, очиғини тан олиш лозим, у алмаштириб бўлмас футболчилар қаторига кирмаган.
Грециянинг “Панатинаикос”ида 1 мавсум тўп тепгач, унинг манзиллари Россия ва яна Испания билан боғланди. Жорий мавсум аввалида “Кадис” Санчеснинг хизматларидан воз кечди. Бугун у эркин агент.

662x372a_08095627155562

Элизеу (ярим ҳимоячи)
Клуб сафида: 213 та ўйин
Ҳозирда: Фаолиятини якунлаган

Аслида, португалиялик футболчи “Лацио”га ўтмасидан аввал, 2007-2009 йиллар мобайнида “Малага” шарафини ҳимоя қилганди. Аммо Римда ўзи хоҳлаган футболни намойиш эта олмаган ярим ҳимоячи 2010 йилда яна Андалусияга қайтади. 2014 йилда “Бенфика” томон йўл олгунига қадар, у клуб асосий таркибида кафолатланган ўринга эга бўлган. Келгусида “лочинлар” сафида фаолиятини якунлади.

eliseu-gol-panathinaikos-220812

Игнасио Камачо (ярим ҳимоячи)
Клуб сафида: 201 та ўйин
Ҳозирда: Фаолиятини якунлаган

“Атлетико” академияси тарбияланувчиси ҳисобланган Игнасио Камачога Испаниянинг энг иқтидорли футболчиларидан бири сифатида қарашарди. Унинг “Малага”га ўтиши ҳам бежиз бўлмаган. 2011 йилда клубга келиб қўшилган Камачо бу ерда янги тарих ёзиши ва ўз атрофида жамоадошларини тўплай билиши керак эди. Аммо унинг салоҳиятига ортиқча баҳо берилгани вақтлар ўтиб маълум бўлди.
Ҳа, у 2016/2017 йилги мавсумда 115 та “тозалаш”ни амалга ошириб, рақиб ҳужумини зарарсизлантириш бўйича Ла Лигада тенгсиз бўлганди. Аммо унинг “Вольфсбург”даги сўнгги йиллари у қадар юқори нотада ўтмади.

Ignacio-camacho

Жереми Тулалан (ярим ҳимоячи)
Клуб сафида: 59 та ўйин
Ҳозирда: Фаолиятини якунлаган

“Лион” ва “Нант”даги мазмунли фаолияти туфайли Малагага таклиф этилган Тулалан жамоа таркибида жуда қисқа вақт ҳаракат қилди. Тўғрироғи, уни янада каттароқ лойиҳа - “Монако” ўзига жалб этди. Ушбу клуб сафида француз 3 йил ҳаракат қилди ва якунда фаолиятини якунлаган “Бордо”га кўчиб ўтди.
Тулаланнинг футболдан кетиши жуда тез содир бўлган. “Бордо” мураббийлиги Гус Пойега ўтиши билан Жереми жамоадан шартномани бекор қилишни сўрайди ва футболчилик фаолиятини якунлайди.

toulalan_jeremy6401

Иско (ярим ҳимоячи)
Клуб сафида: 84 та ўйин
Ҳозирда: “Реал”

2011 йилда “Валенсия”дан “Малага”га келган Иско Камачо сингари келажакнинг энг ёрқин юлдузларидан бири бўлиши тахмин қилинган. Ҳа, унинг ўйинида ўзига хос жозиба ҳамон сақланиб қолган. Аммо ўриндиғи олтиндан бўлса ҳам, “Реал” захирасида ўтириш юқори сифатли футболчи учун яхши натижа ҳисобланмайди.
Тан олишимиз керак, ўша давр “Малага”си хусусида сўз борганда кўз олдимизга оқ-мовий либосда майдон бўйлаб “сузаётган” Иско келади. “Бланкос” билан ҳам унинг жуда кўплаб ёрқин хотиралари бор. Аммо ундан кутилган нарсалар салмоқлироқ эди.

1472647931_757663_1472648125_sumario_normal

Хоакин (ярим ҳимоячи)
Клуб сафида: 71 та ўйин
Ҳозирда: “Бетис”

“Малага” раҳбарлари ОАВдаги мақолаларга қараб жамоага футболчиларни жалб этганиданми, навбатдаги қаҳрамонимиз ҳам асримиз бошида ғоят истеъдодли футболчи сифатида улкан марраларга эришиши тахмин қилинганди. Хоакин - афсона. Аммо бу эътироф Андалусиянинг бошқа клубидаги ўйинлари учун берилган.
“Медузалар” сафидаги ўртамиёна мавсумлардан сўнг, у “Фиорентина”га, сўнгра, жонажон “Бетис”ига йўл олди.

dblg3vww4aa1sbj

Жулио Баптиста (ҳужумчи)
Клуб сафида: 33 та ўйин
Ҳозирда: Фаолиятини якунлаган

Ўзининг улкан жисмоний имкониятлари туфайли “маҳлуқ” лақабини олган Жулио Баптиста Андалусия клубигача “Севилья”, “Реал”, “Арсенал” ва “Рома” каби номдор клубларда ўйнаб улгурганди.
“Малага” таркибида у кўнгилдагидек тўп тепа олмади. Боиси, жароҳатлар уни анча қийнаб қўйганди. Ниҳоят, 2 йиллик омадсизликлардан сўнг, клуб уни “Крузейро”га қўйиб юборади.
Келгуси фаолияти давомида ҳам Баптиста фақатгина пастлаш амалга оширди, холос.

1364945333_740215_0000000000_noticia_normal

Дуда (ҳужумчи)
Клуб сафида: 343 та ўйин
Ҳозирда: Фаолиятини якунлаган

Содиқлик рамзи ва “Малага”нинг кўп йиллик футболчиси Дуда ушбу жамоа шарафини нақд 14 йил ҳимоя қилди. Португалиялик футболчи андалусияликлар либосида 343 та беллашувда майдонга тушди.
2017 йилда футболчилик фаолиятини якунлаган Дуда шу йилнинг ўзидаёқ клуб академияси директори этиб тайинланди.

MD_20140326_FOTOS_D_54404455309-652x492@MundoDeportivo-Web

Хавьер Савиола (ҳужумчи)
Клуб сафида: 36 та ўйин
Ҳозирда: “Ордино” клуби ёрдамчи мураббийи

“Ривер Плейт”даги супер ўйинларидан сўнг, кўпчилик томонидан янги Марадона, дея таъриф олган Савиола ўртамиёна фаолият олиб борди. Унинг “Малага” таркибига қўшилиши мухлисларга улкан умид бағишлаган эди.
Бир йил ўтмай, аргентиналик футболчи “Олимпиакос”га йўл олади. “Верона”да ҳам бир муддат ўйнагач, “Ривер Плэйт”га қайтиб кетади. Эсиз, шунча ишонч! Айтганча, у ҳозирда Андорранинг “Ордино” клубида ёрдамчи мураббий.

waw3zpidm6fif8zipdgu

Роке Санта Круз (ҳужумчи)
Клуб сафида: 109 та ўйин
Ҳозирда: “Олимриа” Асунсон

Футбол сайёҳларидан ҳисобланадиган парагвайлик футболчи 2012 йилнинг ёзида ижара асосида “Малага”га келиб қўшилади. Мавсум давомида яхши ҳаракат қилгани учун келгуси ёзда унга тўлиқ шартнома тақдим этилади.
2014 йилда Мексиканинг “Круз Азул” клуби уни сотиб олади. Бироқ, 2016 йилда у яна “медузалар” сафига ижара асосида қўшилади.
39 ёшли Роке Парагвай чемпионатида ҳамон фаолиятини давом эттирмоқда.

Roque_Santacruz640

Мануэль Пеллегрини (мураббий)
Ғалабалар коэффициенти: 41,1 %
Ҳозирда: “Бетис”

“Реал”дан олиб келинган Пеллегрини “Малага”ни 3 йил бошқарди. Сўнгра, “туманли альбион”га - “Манчестер Сити” бошқаруви томон йўл олди. У ерда Премьер-лига ва Лига Кубогида (2 марта) ғалаба қозонганини яхши эслаймиз.
Пепнинг келиши муносабати билан Мануэль клубдан кетказилди ва унинг йўллари Чин юрти билан туташди. Сўнгра, “Вест Хэм” уни ўзига чорлади. Бироқ, муваффақиятсизлик сабаб у Англияда узоқ қола олмади. Бугунги кунда у “Бетис”да бош мураббийлик қилмоқда.

hi-res-155045973_crop_north

Абдулвосид Валихонов тайёрлади

Матнда хатолик топсангиз, ўша хатони белгилаб, бизга жўнатинг (Ctrl + Enter)