Россия премьер-лигаси тарихида Марказий Осиё мамлакатларидан жами 120 нафардан ортиқ легионер тўп сурган.  Sportbox.ru ана шу футболчилардан иборат рамзий терма жамоа тузди.

Шарқ – нозик масала. Россиядаги тарихий терма жамоада 7 футболчимиз бор

Биз ҳар бир чизиқ бўйича энг кучли, деб топилган Ўзбекистон миллий терма жамоасида ўйнаган чарм тўп усталарини алоҳида таништирамиз.

“Рамзий терма жамоа ҳимоя марказига Ўзбекистон вакили Олег Пашинин лойиқ кўрилди. Россия чемпиони бўлган Пашинин Москванинг “Локомотив” жамоаси таркибида 200 дан ортиқ ўйин ўтказган. Бир муддат Японияда ҳам тўп сурган.

Унинг позиция танлаши, курашувчанлиги ва бош билан яхши ўйнаш қобилияти алоҳида тилга олинади.

Ўнг қанот ҳимоясида мудофаа чизиғида универсал бўлган Андрей Фёдоровга етадигани йўқ. Андрей Фёдоров  жисмонан бақувват, шиддатли ўйнайди ва юқори қаватда ишончли ҳаракат қилади, ундан тўпни олиш қийин. “Рубин” таркибида энг кўн ўйнаган легионерлардан. Осиё ўйинлари чемпиони. Фарғонанинг “Нефтчи” жамоаси таркибида Ўзбекистон, қозонликлар сафида Россия чемпиони бўлган.