Улуғбек Бақоев: "Бошида психологик томондан ўйнаш осонроқ бўлди"

Ўзбекистон Кубоги 3-тур доирасидаги "Сўғдиёна" - "Олимпик Мобиуз" (3:1) учрашувидан сўнг жиззахликлар бош мураббийи Улуғбек Бақоев матбуот анжуманида иштирок этди.

"Тўғриси, бошида психологик томондан ўйнаш осонроқ бўлди, чунки вазифани бажарган ва кейинги босқичга чиқиб бўлган эдик. Шу сабабли жуда кўп йигитларга ўйнаш имкониятини бердик, уларнинг салоҳиятини текшириб кўрдик. Биринчи таймда кўплаб вазиятларга эга бўлдик, лекин гол уролмадик. Иккинчи таймда эса... охиригача босим қилиб, 3:1 ҳисобида ғалаба қозондик. Йигитларга ғалаба учун раҳмат айтмоқчиман ва энди иккинчи даврага тайёргарлик кўрамиз".