Улуғбек Бақоевнинг собиқ жамоаси банкротга учради

Павлодарнинг "Иртиш" клуби молиявий муаммолар сабаб Қозоғистон Премьер-лигасидаги иштирокини тўхтатишини маълум қилди. Жамоа бош ҳомийси клубни молиялашни тўхтатган ва қарздорлик ўсиб бораётгани боис шундай қарорга келинган.

Қайд этиш жоиз, "Иртиш" мамлакатнинг беш карра чемпиони саналади. Ўз вақтида ушбу клубда ўзбекистонлик футболчи Улуғбек Бақоев тўп сурган.