Умтити Италияга қайтиши мумкин

"Барселона" билан шартномани бекор қилган Самюэль Умтити фаолиятини Италияда давом эттириши мумкин. Унинг агенти футболчини "Интер"га таклиф қилган. Бу ҳақда Экрем Конур хабар бермоқда. 

"Интер" аввалроқ Начога қизиқиб кўрди, лекин Эрнандес "Реал" билан янги битим имзолади. Миланликлар эса бошқа вариантларни кўриб чиқмоқда. 

Маълумот учун, Умтити якунига етган мавсумни "Лечче" таркибида ўтказди. 29 ёшли ҳимоячига Саудия Арабистони клубларидан ҳам таклифлар бор.