Унаи Эмери: ПСЖ дунёнинг энг зўр футболчиларини сотиб олмоқчи
Ads

Франциянинг ПСЖ клуби бош мураббийи Унаи Эмерининг фикрича, “Барселона” ҳужумчиси Неймар дунёнинг энг кучли 5 футболчисидан бири ҳисобланади ва у агар ПСЖда ўйнаса бундан клуб ҳамда мухлислар қувонади.

“ПСЖ дунёнинг энг зўр футболчилари билан шартнома имзолашни истайди. Агар биз “Реал”, “Бавария” ва “Барселона” каби клубларга қарши рақобат қилиб, Чемпионлар лигасида ғолиб чиқмоқчи бўлсак, у ҳолда ўз таркибимизга дунёнинг энг кучли беш футболчисидан бирини қўшиб олишимиз керак. Неймар эса бу рўйхатга киради. Агар бундай футболчи ПСЖда тўп сурса, бундан клуб раҳбарияти ҳам ва мухлислар ҳам фақат хурсанд бўлган бўлишарди”, - дейди испаниялик мутахассис L'Equipe нашрига берган интервьюсида.

Эслатиб ўтамиз, шу кунларда Неймарнинг ПСЖга кўчиб ўтиши мумкинлиги ҳақида турли хабарлар тарқалмоқда.