Уни Шотландияда кутишяпти

“Манчестер Сити” клуби дарвозабони Клаудио Браво фаолиятини Шотландия чемпионатида давом эттириши мумкин.

The Times Chile нашрининг ёзишича, 37 ёшли чилилик посбонни мамлакатнинг амалдаги чемпиони – “Селтик” ўз сафида кўрмоқчи. Уларда шунингдек, Бен Фостер («Уотфорд») ва Жо Харт («Бёрнли») каби дарвозабонлар номзоди ҳам бор.

Браво “Сити” сафида 2016 йилдан буён тўп суриб келмоқда. У ўтган давр мобайнида бор йўғи 25 та ўйинда майдонга тушди ва ўз дарвозасидан 27 та гол ўтказиб юборди. Унинг клуб билан амалдаги шартномаси шу ой ўз ниҳоясига етади ва у янги жамоасига эркин агент сифатида текинга бориб қўшилиши мумкин.