Уокер: "Премьер-лигани осонлик билан ютишнинг иложи йўқ"

Кайл Уокер АПЛ доирасидаги яқинлашиб келаётган "Манчестер Сити" ҳамда "Ливерпуль" ўртасидаги қарама-қаршилик ҳақида гапирди.

"Футбол савияси нуқтайи назаридан ушбу тўқнашув йил учрашувларидан бири бўлади, деб ўйлайман. Бу гапим билан "Арсенал" ёки "Манчестер Юнайтед"га ҳурматсизлик қилмоқчи эмасман, ахир улар ҳам кўплаб титулларни қўлга киритган.

Ўйлайманки, футбол даражаси йилдан йилга кўтарилиб бормоқда. АПЛга кириб келаётган футболчиларнинг савияси шунчаки ҳайратланарли кўринишда. Шу сабабли трансфер бозорида муваффақиятга эришиш учун жиддий рақобат майдонида ғалаба қозонишга тўғри келади. Бу эса нейтрал мухлислар учун ҳақиқий байрамни ҳозирлаб бериши тайин.

Кўпчилик премьер-лигани осонлик билан ютишни хоҳлайди. Бироқ бунинг иложи йўқ. Чемпионликни ҳимоя қилиш ҳар доимгиданда қийинроқ, айниқса АПЛда", - деди "Манчестер Сити" ҳимоячиси "BT Sport" нашрига берган интервьюсида.