Уругвай ва Жанубий Корея иродали тарзда ғалаба қозониб, кейинги босқичга йўл олди

Аргентинада ўтказилаётган кичик мундиалнинг нимчорак финал баҳслари ўз ниҳоясига етди. Сўнгги икки учрашувда Гамбия - Уругвай ва Эквадор - Жанубия Корея ўйинлари бўлиб ўтди.

Гамбия Уругвайга кичик 1:0 ҳисобида мағлуб бўлди. Гол 65-дақиқада Дуарте томонидан киритилди. Шунингдек, мазкур баҳс кескин курашларга бой ўтди. Ҳакам иккала жамоадан ҳам биттадан футболчини майдондан четлатди.

Шу тариқа, Уругвай Гамбия тўсиғидан ўтиб, кейинги босқичга йўл олди. Жамоа чорак финалда АҚШга қарши ўйнайдиган бўлди.

Голларга бой ўтган Эквадор - Жанубий Корея учрашувида қитъадошларимизнинг қўли баланд келди. 

Дастлаб, 11-дақиқада Ли жамоасини олдинга олиб чиқди. Бае эса орадаги фарқни иккитага оширди. Тайм сўнггида Чол ҳам ўз номига гол ёздириб қўйган бўлса, Куеро ва Гонзалес жавоб голларини урди. 

Жанубия Корея чорак финалда Нигерия билан куч синашади.