Уругвайга қарши беллашувни Бразилиянинг етакчиси ўтказиб юборади

"Копа Америка"нинг 3-туридан ўрин олган Бразилия - Колумбия учрашуви бўлиб ўтди ва унда томонлар 1 очкодан бўлишиб олишди. 

Дастлаб, Рафинья жарима зарбасидан ҳисобни очган бўлса, Муньос тайм сўнггида имкониятларни тенглаштириб қўйди. 

Шу тариқа, Бразилия "D" гуруҳида иккинчи, Колумбия эса пешқадам сифатида плей-оффга йўл олди. 

Қайд этиш лозим, "пентакампеонлар" турнирнинг чорак финалида Уругвайга қарши баҳс олиб боради. Мазкур беллашувни терманинг етакчиларидан бири ҳисобланган Винисиус Жуниор сариқ карточкалари боис ўтказиб юборади. 

Ушбу ўйин Тошкент вақти билан 7 июль куни тонгда соат 06:00да старт олади.