"US Open". Надаль ҳам турнирдаги юришини эрта якунлади

Теннис бўйича Америка очиқ чемпионатининг эркаклар ўртасидаги баҳсларида 1/8 финал босқичи ортда қолди.

Эътиборлиси, чемпионлик учун асосий даъвогар сифатида кўрилаётган Рафаэль Надаль кутилмаганда мағлубиятга учради ва ракеткаларини ғилофига жойлашга мажбур бўлди.

Мезбонлар вакили Фрэнсис Тьяфуга қарши кортга чиққан Рафа 4:6, 6:4, 4:6, 3:6 ҳисобида имкониятни бой берди.

Бундан ташқари, Андрей Рублёв Кэмрон Норрини (6:4, 6:4, 6:4), Карен Хачанов Пабло Карреньо Бустани (6:4, 3:6, 1:6, 6:4, 6:3), Карлос Алькарас Марин Чилични (6:4, 3:6, 6:4, 4:6, 6:3), Янник Синнер Илья Ивашкони (6:1, 5:7, 6:2, 4:6, 6:3) мағлуб этиб, кучли саккизликка кирди.