Услубим Илия Топурияни қийнаб қўяди

UFC енгил вазн тоифаси рейтингида бешинчи ўринни эгаллаб турган ММА устаси Бенуа Сен-Дени 70 кг да амалдаги чемпион Илия Топурияга қарши эҳтимолий жанг ҳақида гапирди.

"Бу дивизиондаги ҳар бир йигит чемпион билан жанг қилишни хоҳлайди. Илия яқинда Жастин Гэтжига қарши ўзининг энг яхши жангини ўтказишига ишонаман. Бироқ иккимиз ўзаро тўқнаш келсак, менинг услубим унга муаммо туғдириши мумкин. Тўғри, ҳозир Топурия билан жангимни тасаввур қилиш қийин. Лекин имконият берилса, албатта, бу баҳсни қабул қиламан", – деди франциялик "Super Mossato Show" га берган интервьюсида.

Эслатиб ўтамиз, Топурия ва Гэтжи қарама-қаршилиги 14 июнь куни "UFC White House" турнирида ўтказилади.