Вадим Абрамов: Натижа адолатли

Суперлига 18-туридан ўрин олган «Бунёдкор» - «Локомотив» (1:1) учрашувидан кейин ўтказилган матбуот анжуманинг иккинчи қисмида мезбонлар устози Вадим Абрамов иштирок этди. Бу ҳақда клуб матбуот хизмати хабар берди.

- «Локомотив» сафида тажрибали ўйинчилар тўп суради. Бизнинг йигитлар анча ёш. Бугун бизнинг футболчилар рақибнинг тажрибали ўйинчиларига нисбатан ҳаддан ташқари ҳурмат билан муносабатда бўлишди. Ўтказиб юборилган гол ҳам ўзимизнинг хато эвазига бўлди. Иккинчи бўлимда вазиятни ўнглашга ҳаракат қилган бўлсакда, режамиз амалга ошмади. Дуранг адолатли натижа деб ҳисоблайман. Қайсидир маънода биз бугун ғалаба учун ўйнай олмадик. «Насаф» билан ўйинда қарши ҳужумларда гол ўтказиб юборган эдик. Бугун йигитлар тажрибали ўйинчиларни қарши ҳужумда ўтказиб юборишдан қўрқишди чоғи, ҳужумга ўтишда фаоллик паст бўлди. Қолаверса, бугун тажрибали Лутфулла Тўраевнинг йўқлиги ҳам билинди. Айтишим керак, биз энг яхши ўйинимизни кўрсата олмадик, - деди мураббий.

Фикрлар

Саралаш
Фикр қолдириш учун авторизациядан ўтинг!
&
Shaymardonov Nurbek Nasimovich
27/08/2019 09:24
Siz haqiqatdan kuchli murabbiysiz lekin. bunday tan oling. Nasaf Lokadan kura kuchli uynadiki. birinchi taym. kuz ochkani quymadiki. kechaki uyinni kurdim ikkala kamanda ham kuchli uynamadi. loka sahal qaysider jabhaga kuchli uynadi. Bunyotkor yoshla deymizu lekin 11 uyinchidan. 5tasi mahoratli uyinchilarki. Loka Nasaf bilan uyinga faqat tajriba va omadgena tufayli yutdi. uyin buyicha lekin. Nasafka manimcha hozir Pahtakor bas kelsa kerak.
Жавоб ёзиш