Вадим Абрамов "Пахтакор"га қарши ўйиндан сўнг: Учрашув мухлисларга қанчалик ёққанини билмадимку, лекин мураббийлар штабининг анчагина асаби бузилди

Суперлиганинг 25-туридан ўрин олган «Пахтакор» - «Бунёдкор» (2:3) учрашувидан кейин ўтказилган матбуот анжуманида «қалдирғочлар» устози Вадим Абрамов иштирок этди. Бу ҳақда клуб матбуот хизмати хабар берди.

- Бугунги ўйин дерби мақомига мос бўлди, дея оламан. Асабий ва ҳужумкор руҳда ўтган баҳс мухлисларга қанчалик ёққанини билмадимку, лекин мураббийлар штабининг анчагина асаби бузилди. Очиғи, ўйин охирларида омадимиз келди. Қолаверса, чемпионликни қўлга киритиб бўлган «Пахтакор» футболчиларининг руҳияти ҳам бизнинг фойдамизга хизмат қилди. Ҳам чемпионликни, ҳам кубокни қўлга киритган футболчиларни руҳий томондан ўйинга тайёрлаш жуда мушкул. Бу табиий ҳол.

Жамоа ёш. Таркибдаги футболчиларни тажриба борасида «Пахтакор» ўйинчилари билан солиштириб бўлмайди. Ҳисоб қисқаргач рақиб ўз ўйинини топиб олди ва яна бизни жазолади. «Пахтакор»ни тажрибали мураббий бошқаради. Эътибор берган бўлсангиз, рақиб иккинчи бўлимни ишончли тарзда ўтказди. Чунки тажрибали ўйинчи қандай ўйнашни билади. Қолаверса, улар мавсумни мағлубиятсиз якунлашни ният қилганди. Футбол хатоларсиз бўлмайди. Ўйлайманки, шундай хатоларни камайтириб, янада жиддий жамоага айланамиз, - деди Абрамов.

Фикрлар

Саралаш
Фикр қолдириш учун авторизациядан ўтинг!
&
Сурхон
28/11/2019 15:56
Барча асаб бузарлар хужакурсинга. Узбек футболи хам бошида узини ракобатбардош килиб курсатади. Сунгра охирида бир бирларига мурувват улашади. Буни бунёдкор пахтакор ва динамо сурхон жараёнида якол куриш мумкун. Уртада эса мухлисларни ахмок киладилар, билмайдики узлари мутахам мухлислар олдида. Узбек футболи качон шакиланади качон биларда клублар усади. ОЧЛ да иштрок этадигон бошка давлатлар качон 3 та пойтахт клубидан бошка клубларни танишади? Бошка давлатга бориб тошкен десангиз ахааа узбекистан дейишади. Лекин термез десангиз каер у деб эси котади. Хохлардик биз хам узбекистон пули факат тошкентни эмас бошка бир вилоятимизни хам танитишини. 2020 йил умид киламан бир катор тизимлар узгариши билан бирга бизнинг хам футбол ижобий томонга узгаради. Шу каторда хаконий хакмлар таёрлашда ва хар бир супер лига клубларида академялар барпо этилишига умидларимиз катта. Менинг шахсий фикрим алохида футбол тизимида вар билан бирга адолатни суд идораси етишмаяпти. Ушбу судда хакамлар хам футболчилар хам ва мураббийлар штаби ни хам иши адолатли курилади. Ушандан кейин барчаси куринади эплолган майдонга колади. Кулидан келмаса масулятни уз буйнига олмай чекинади. Ушанда балким футболимизда узгаришлар кузга ташланса ажаб эмас, ва ушандан кейин чала партишликни олдини оламиз ва биз хам европа футболига ухшаш уйинларни уз клубимизда курамиз.
Жавоб ёзиш