Valverde: "Men dam olishni xohlamayman"

"Real Madrid" yarim himoyachisi Federiko Valverde "Atalanta" bilan o‘yindan avval matbuot anjumanida ishtirok etdi. Urugvaylik futbolchi jismoniy holati va raqib jamoa haqida o‘z fikrlari bilan o‘rtoqlashdi. 

"Men shu kungacha hech qachon dam olishni xohlamaganman. Ko‘proq maydonda harakat qilishimning asosiy siri shuki men har bir o‘yindan rohatlanaman. Bu esa meni hech qachon holsizlanishimga qo‘ymaydi. 

Bergamoliklar tarkibida juda tezkor o‘yinchilar etarlicha. Men jamoadoshlarim bilan raqib jamoani o‘rganib chiqdik. Shu sababli ertaga og‘ir o‘yin bo‘lishini sezmoqdamiz. Biz maydonda nimalarga qodir ekanligimizni ko‘rsatishni xohlaymiz xolos" - dedi "qaymoqranglilar" futbolchisi. 

Ma’lumot o‘rnida, 26 yoshli yarim himoyachi bu mavsum 22 ta o‘yinda harakat qilib, 4 ta gol va 2 ta golli uzatmani o‘z hisobiga yozdirib qo‘yishga ulgurdi.