Вальверде "Сити"га қарши ўйиннинг энг яхши футболчиси деб топилди. Абдуқодир Ҳусановга эса баҳо берилмади!

"Реал Мадрид" ярим ҳимоячиси Федерико Вальверде Чемпионлар лигаси 1/8 финалида "Манчестер Сити"га қарши биринчи ўйин (3:0) якунларига кўра энг юқори баҳо олди.

"Marca" нашри хет-трик муаллифига тўрт юлдуз берди. "Реал" таркибида Тибо Куртуа, Орельен Тчуамени ва мураббий Альваро Арбелоа уч юлдуз билан баҳоланди. Винисиус Жуниор эса икки юлдуз олди.

"Манчестер Сити" сафида энг юқори баҳо Бернарду Силва, Антуан Семеньо ва Жереми Докуга берилди — уларнинг ҳар бири икки юлдуздан олди. Жамоа бош мураббийи Пеп Гвардиола эса бир юлдуз билан баҳоланди.

Эрлинг Холанд (82 дақиқа), Абдуқодир Хусанов (бутун ўйин) ва Савиньо (45 дақиқа) эса баҳо олмади — уларнинг ёнида тире қўйилган.