Ван Дейк : «Бу биз учун йўл қўйиб бўлмайдиган ҳолат»

Нидерландия терма жамоаси ҳимоячиси Виргил ван Дейк Миллатлар лигаси гуруҳ босқичида Грецияга қарши ўтган баҳс ҳақида фикр билдирди.

«Учрашувни икки мутлақо бошқа-бошқа таймга бўлиш мумкин. Биринчи бўлимда греклар биздан устун ўйнашди. Бу қабул қилиб бўлмайдиган ҳолат. Улар курашда яхшироқ эдилар, бундай вазиятга йўл қўймаслик керак. Танаффусдан сўнг эса вазиятни тўғрилай олдик. Рақиб деярли ҳеч қандай хавфли вазият ярата олмади. Аслида биз шундай ўйинни биринчи дақиқаларданоқ кўрсатишимиз лозим эди», – дея Ван Дейкнинг сўзларини УЕФА матбуот хизмати келтиради.

Греция – Нидерландия учрашуви 2:2 ҳисобида дуранг билан якунланди. Виргил ван Дейк ушбу беллашувда ўз ҳисобига бир гол ёздириб қўйди.

Хави Эрнандес шогирдларининг навбатдаги ўйини Сербияга қарши ўз майдонида бўлиб ўтади.