Ван Дейкка шартномасини узайтирмасдан аввал Лондоннинг гранд клуби кўз тиккан экан

Лондоннинг "Челси" жамоаси "Ливерпуль" ҳимоячиси Виржил ван Дейкни ўз сафига қўшиб олиш ниятида бўлган. 
  
"Тhe Athletic" нашри журналисти ва инсайдери Девид Орнштейннинг хабар беришича, "Челси" нидерландиялик футболчини шартномаси тугагач, эркин агент сифатида олишни режалаштирган. Бироқ, ван Дейк "Ливерпуль" билан шартномасини яна икки йилга узайтиришга қарор қилди.
  
Бундан ташқари, бир неча ой аввал фулбекка Испаниянинг "Реал Мадрид" ва "Барселона" клублари ҳам жиддий қизиқиш билдиргани ҳақидаги миш-миш хабарлар тарқалган эди.

Маълумот ўрнида, 33 ёшли ҳимоячи жорий мавсум мерсесайдликлар сафида 44 беллашувда иштирок этиб, 4 та гол ва 1 та голли узатмага муаллифлик қилган.