Ван Перси нега "Арсенал"дан кетган эди?

"Арсенал" клуби собиқ ҳужумчиси Робин ван Перси нега 2012 йил “канонирлар” сафини тарк этиб "Манчестер Юнайтед"га ўтганини айтди. Бу ҳақда Goal нашри хабар бермоқда.

“Менга янги шартнома таклиф қилишмади. Фарзандларимни ўртага қўйиб қасам ичаман. Агар кимдир бунинг тескарисини исботласа, миллион евро тўлайман. “Арсенал” раҳбарияти мен билан шартномани узайтирмасликка қарор қилди ва шу боис менда турли фикрлар пайдо бўла бошлади. Мен шундан сўнг келажагим ҳақида қайғуришим кераклигини англаб етдим”, - дейди голландиялик собиқ футболчи.

Ван Перси 2004-2012 йилларда “Арсенал” шарафини ҳимоя қилган.